O Trofeo Mini Teresa Herrera xa coñece as súas cruces de final, que se disputarán na data prevista para o trofeo Teresa Herrera tanto masculino como feminino no mes de agosto do 2023, e que se dará a coñecer pola organización cando se presente o cartel.
Así, na categoría Benxamín o RC Deportivo xogará ante Ural Español CF, tras superar o cadro branquiazul a Sporting Coruñés e os verdes en penaltis a Fabril FC.
Pola súa parte, en Prebenxamín, a final será entre Compañía de María e Ural Español CF, que deixaron o camiño a Silva SD e a Victoria CF, respectivamente.